İsmail YK

İsmail YK — Tərcümeyi-hal

İsmail YK, doğum adıyla İsmail Yurtseven, 5 İyul 1978'də Almaniyanın Hamm şəhərində dünyaya gəldi. Musiqi karyerasına qardaşları ilə birlikdə qurduğu Yurtseven Kardeşler qrupunda başladı; səhnə adındakı "YK" qısaltması da bu qrupa istinadən istifadə olunur. Gənc yaşda səhnəyə çıxan sənətçi, sonrakı illərdə solo karyerasına yönəldi.

İlk solo albomu Şappur Şuppur 1,2 milyon ədəd satılaraq böyük maraq gördü. 2006-da yayımlanan Bombabomba.com albomu 600 mindən artıq satışla ilin ən çox satılan türkcə albomu oldu, 2008-də çıxan Bas Gaza isə 450 min ədəd satdı. Bu uğurlar İsmail YK-yə 2006, 2007 və 2008-ci illərdə arda-arda "İlin Türk Müğənnisi" mükafatını qazandırdı; 2010-da Azərbaycanda da ilin ən sevilən sənətçisi seçildi. 2015-də Sevgililər Günündə çıxardığı Kıyamet albomunda daha əvvəl yazdığı "Çıkmam Seneye" kimi mahnılara yer verdi və "Allah Belanı Versin" adlı mahnısının rok düzənləməsini yeni bir klip müşayiəti ilə yenidən yayımladı.

Musiqi karyerasının yanı sıra aktyorluğa da addım atan İsmail YK, Küçük Esnaf və Dayan Yüreğim kimi işlərdə rol aldı; 2011-də Aysun Kayacı ilə birlikdə Kanaltürk ekranlarında Şen-Şakrak-Show və YK Show adlı proqramları təqdim etdi.