İbrahim Kutluay

İbrahim Kutluay — Tərcümeyi-hal

İbrahim Kutluay (d. 7 dekabr 1973, Yalova) türk basketbol menecer, idman şərhçisi və keçmiş peşəkar basketbolçudur. Son olaraq Basketbol Süper Liqası komandalarından Darüşşafakada menecerlik etmişdir. Atıcı qvardiyaçı mövqeyində oynayan Kutluay, beynəlxalq səviyyədə Türkiyə milli komandasını təmsil etmişdir.

Fənərbaxça akademiyasında yetişən Kutluay, 1991-ci ildən 1999-cu ilə qədər burada oynamışdır. 1996-cı il FIBA 20 Yaşadək Avropa Çempionatında İtaliyaya qarşı 50 xal ataraq rekord qırmış, 1998-99 mövsümündə isə Cibona Zaqreb qarşısında EuroLiqa oyununda 41 xal atmışdır. 1999-cu ildə Efes Pilsenə keçmiş və mövsümü Türkiyə Liqasının Xal Kralı kimi başa vurmuşdur. 2001-ci ildə yunan klubu Panatinaikosla razılaşan Kutluay, 2002-ci il EuroLiqa Final Dördlüyünü qazanaraq EuroLiqa çempionu olan ilk türk basketbolçu olmuşdur. 2004-05 mövsümündə NBA komandalarından Seattle SuperSonicsdə forma geyinən Kutluay, NBA-da oynayan dördüncü türkdür. Peşəkar karyerası ilə yanaşı, şəxsi həyatı səbəbindən də tez-tez mətbuatın diqqətində olmuşdur.

Kutluay 2000-ci il Abdi İpekçi Sülh və Dostluq Kommunikasiya Mükafatının sahibidir.