Bulut Özdemiroğlu

Bulut Özdemiroğlu — Tərcümeyi-hal

Bulut Özdemiroğlu 5 sentyabr 1989-cu ildə Sakaryada anadan olub. Beykent Universitetinin Qrafik Dizayn bölməsini bitirib.

Gənc illərində Sakaryaspor və Fənərbağça klublarının infrastrukturunda futbol oynayan Özdemiroğlu, universitet illərində bir müddət basketbol komandasında da yer alıb. Krossfit idmanı ilə məşğul olan Özdemiroğlu, eyni zamanda bloqerlik və kreativ məzmun istehsalçılığı edib.

Bulut Özdemiroğlu ilk dəfə 2016-cı ildə Tv8-də yayımlanan Göz6 yarışması ilə televiziya ekranlarına çıxıb, 2017-ci ildə isə Acun Ilıcalının hazırlayıb təqdim etdiyi Survivor yarışmasına Eser Vestin diskvalifikasiyasından sonra onun əvəzinə yeni yarışmacı olaraq qatılıb.