Arif Mardin

Arif Mardin — Tərcümeyi-hal

Mehmet Arif Mardin (15 mart 1932, İstanbul — 25 iyun 2006, Nyu-York), türk-amerikalı albom prodüseri idi. Kökləri İslam Peyğəmbəri Məhəmmədin nəvəsi Hüseynə qədər getdiyi iddia edilən Osmanlı ailəsi olan Mardin ailəsinin oğlu və Betül Mardinin qardaşıdır. Yusuf Ziya Önişin qızı yazıçı Latife Mardinlə evli idi.

1932-ci ildə İstanbulda dünyaya gəlmişdir. London İqtisadiyyat Məktəbində iş idarəçiliyi təhsili almışdır. Daha sonra Berkli Kollecində musiqi təhsili alan Mardin, Kvinsi Cons Təqaüdünü qazanmışdır. Karyerasına 1963-cü ildə Atlantic Records şirkətində Nesuhi Ertegünlə işləyərək başlayan Arif Mardin, eyni şirkətdə 1969-cu ildə vitse-prezident olmuşdur.

Əhməd Ertegün və prodüser Cerri Veksler ilə bir çox layihədə birlikdə işləyən Arif Mardin, 2001-ci ildə Atlantic Recordsdan ayrılmış və öz markası olan Manhattan/EMI Records üçün işə başlamışdır.

Mardin, müğənni Nora Consu bu dövrdə böyük şöhrətə qovuşdurmuşdur. 40 ildən artıq davam edən karyerası boyunca 40 qızıl və platin albom mükafatı qazanan Mardin, 15 dəfə namizəd göstərildiyi Qremmi Mükafatını 12 dəfə qazanmışdır.

Mardin, Devid Bouyi, Bee Gees, Bette Midler, Diana Ross, Aretha Franklin, Barbra Streisand, Phil Collins, Jewel və Chaka Khan kimi çoxlu sənətçi ilə işləmiş, prodüksiya və musiqi aranjımanlarını etmişdir.

26 iyun 2006-cı ildə xərçəng xəstəliyindən dünyasını dəyişmişdir.